മലയാളം മിനിസ്ക്രീനിലെ ശ്രദ്ധേയമായ പരിപാടികളില് ഒന്നാണ് സൂര്യയിലെ വര്ത്തമാനം. സൂര്യ ടിവിയുടെ ആരംഭം മുതല്ക്കേ നിലവിലുള്ള ടോക് ഷോ കൂടിയാണ് വര്ത്തമാനം. വര്ത്തമാനത്തിലെ ഇക്കഴിഞ്ഞ എപ്പിസോഡിലെ അതിഥി ആര്യാടന് ഷൗക്കത്തായിരുന്നു. അദ്ദേഹത്തിന്റെ സിനിമാ പ്രവര്ത്തനങ്ങളെക്കുറിച്ചാണ് ഏറെയും ചര്ച്ച ചെയ്യപ്പെട്ടത്. താന് സിനിമാരംഗത്ത് ആകൃഷ്ടനായതിനെപ്പറ്റിയും തന്റെ ചിത്രങ്ങള് ടിവി ചന്ദ്രന് തന്നെ സം വിധാനം ചെയ്യുന്നതിനെപ്പറ്റിയുമെല്ലാം അനില് നമ്പ്യാരുടെ (ബ്യൂറോ ചീഫ്, സൂര്യ ന്യൂസ്) ചോദ്യങ്ങള്ക്ക് വിശദമായിത്തന്നെ ഷൗക്കത്ത് മറുപടി നല്കി. രാഷ്ട്രീയ വിഷയങ്ങളില് നിന്നും അദ്ദേഹം എവിടെയും തൊടാതെ ആരെയും വേദനിപ്പിക്കാതെ മറുപടി നല്കി ഒഴിഞ്ഞുമാറി. തന്റെ പുതിയ ചിത്രത്തെപ്പറ്റി കൂടുതല് വിവരങ്ങള് കൈമാറിയ അദ്ദേഹം തന്റെ സിനിമാ പ്രവര്ത്തനങ്ങളെക്കുറിച്ചുള്ള പിതാവും കോണ്ഗ്രസ്സ് നേതാവുമായ ആര്യാടന് മുഹമ്മദിന്റെ സമീപനത്തെപ്പറ്റിയും പറയുകയുണ്ടായി. വര്ത്തമാനം തീര്ന്നയുടനെത്തന്നെ ആര്യാടന് ഷൗക്കത്ത് കഥയെഴുതി നിര്മ്മിച്ച “പാഠം ഒന്ന്, ഒരു വിലാപം “എന്ന ചിത്രം സൂര്യയില് കാണിച്ചത് ഏറെ കൗതുകകരമായി.
എല്ലാ ശനിയാഴ്ചയും രാത്രി പതിനൊന്ന് മണിക്കാണ് വര്ത്തമാനം . റീ ടെലിക്കാസ്റ്റില്ലാത്ത സൂര്യ പരിപാടികളില് ഒന്നാണ് വര്ത്തമാനം.
Posted by ടിവി ഫാന്സ് |www.tvfans.tk 
Posted by ടിവി ഫാന്സ് |www.tvfans.tk 
Posted by ടിവി ഫാന്സ് |www.tvfans.tk 